--------------------------------------------------------------------------------
بصراحه انا مع الاهلى فى كل اللى بيعمله لانى شايف اللى بيحصل ده مجرد تهريج وهبل من شويه عالم ملهاش فى اى حاجه
وهقول شويه نقط واتمنى كل واحد يقولى ايه رايه بعدهم
واحد الاهلى عمل قناه جديده حاجه عظيمه طبعا محدش يقدر يقول غير كده
تانى حاجه عاوز يذيع الماتشات بتاحته حصريا هو حر وده مش من كلامى ده الىل انا قراته وشوفته فى كل حته من حق اى نادى انه يشوف مصلحته فين ويعملهاده بالنسبه للبث يشوف اكبر عرض ويوافق عليه
الاتحاد المفروض هو اللى يسوق صح ويدي الاذاعه لاكبر عرض موجود وده مش اللى بيحصل لان فى مصر زى ما كل حجه ماشيه بتمشى على بالمحسوبيه والكوسه والرشوه وسايبين القنوات الفضئيه تكسب ملايين والانديه مش لاقيه تصرف على التشيرتات والجزم الكوتشى ههههههههههههه
انا عوز اعرف بس فين وجه الاعتراض ياجماعه اللى بخصوص الموضوع ده
محدش يقولى كلام مدحت شلبى والكلام الخايب ده المواطن الغلبان
الماتشات هاتتذاع على الاهلى والفضائيه المصريه والقناه التانيه الارضيه
مش معقول يعنى المواطن المصرى الغبلان اللى مش لاقى ياكل عنده مودرن ودريم ومش عنده الفضائيه ولا التانيه
المواطن المصرى الغلبان اللى كل الناس بقيت بتكلم عنه فجاءه ده بينداس بالجزم كل يوم مش فاضى يتفرج على الماتشات مش عارف مدحت شلبى لو غيره بيتكلمو على اى اساس
يعنى الانسان اللى مش عنده التانيه ولا الفضائيه اكيد مش عنده لامودرن ولا دريم ولا قناه الاهلى الجديده ولا حتى عنده تلفزيون ولا انا غلطان فى دى
يبقى فين وجه الاعتراض انتو عاوزينى اوافق على المهزله اللى بتحصل دى من الاتحاد وشويه قنوات هبله هاتقفل لو مااذاعتش ماتشات الاهلى لا طبعا
انا مع الاهلى حتى لو مش هاتفرج على ولا ماتش لازم ياجماعه نبقى ازكى من كده مش معقول نفكر شويه باش نسمع الكلام ونردده
االاهلى له حق يعمل كده وده بردوه من حق اى نادى يعمل كده
ياريت اشوف كل الاراء على شان اعرف وجهات النظر المختلفه ونناقشها ونرد كلنا عليها على شان الموضوع ده اخد طريق تانى خالص وهو طريق الاستهبال والاستنطاع ومحدش يسال يعنى ايه استنطاع
الرئيسية 
البوابة 
أحدث الصور 
التسجيل 
الثلاثاء أغسطس 26, 2008 3:37 pm
H 
