امثال ادبية من قديم الزمان

OoOo سلاااام ..... انا جايب ليكم امثال شعبيه من جميع البلاد العربيه ....
لكن بالبدايه راح ابتدي بالأمثال الشاميه .....

إبعد عن الشر و غنيله

إذا انت أمير و أنا أميرمين بيسوق الحمير

أكثر من الهم ع القلب

إن كبر إبنك خاويه

إطعم التم تستحي العين

أكل الهدية وكسر الزبدية

أهل الميت صبروا والمعزيات كفروا

آخر الدوا الكي ( الكوي )

إبنه على كتفه و بيفتش عليه

إبنك على ما ربيتيه و جوزك على ما عودتيه


بتقول له ثور بقول احلبوه

بدل الرز و الباذنجان إكسي حالك يا عريان

بطيختين بإيد مابينحملوش

بعد ما شاب ودوه ع الكتاب

بيحرق حارة ليولع سيجارة

بيرقص بلا دف

بيركض بيركض والعشا خبيزة

بيفصل للبرغوت قميص

بيقتل القتيل وبيمشي بجنازته

التكرار بيعلم الحمار

تلاتة مابينطاقوا : الطق والنق والبق

حط راسك بين الروس و قول يا قطاع الروس

خليها بالقلب تجرح و لا بين الناس تفضح

الدار دار أبونا و اجوا الغرب يطحونا

الدنيا ما بتخلي الراكب راكب ولا الماشي ماشي

راح العيد وفرحاته واجا المعلم وقتلاته

رزق الهبل ع المجانين ( هههههههههه)

زاد الطين بلة

زبال و شاكل له ورده

زرعنا اللوز طلع بقدونس

الزمار بيعرف دار الطبال

زمن غريب بيخلي القطة تشخر للديب

زوّج الفقيرة للفقير بيكتروا الشحّاتين

ساعه لقلبك و ساعه لربك

ساير العيار لباب الدار

شافت الخنفسه بنتها ع الحيط قالت الها: يسلملي بياضك ع سواد الحيط

شحاد و مشارط

شم ولاتذوق

شَمّام هوا وقطّاف ورد

شو أحلى من العسل قال الخل ببلاش

شو فهم الحمير بأكل الزنجبيل

طنجرة و لقت غطاها

عقله براسه بيعرف خلاصه

علمناه الشحادة سبقنا ع البواب

على بخت الحزينه سكرت المدينة

عمر مديون ما انشنق

العنزه الجربا ما بتشرب إلا من راس العين

فخار بيكسر بعضه

قال الله يلعن اللي بيحكي على الناس قال له يلعن اللي بيخلي الناس تحكي عليه

قرد موالف و لا غزال مخالف

كل ديك ع مزبلته بصيح

اللي ببلاش كتّر منّه

اللي بياخذ مالك خد روحه ( الله يكفينا الشر )

اللي عنده مال محيّرُه , بيشتري حمام وبيطيره

ما حدا بيقول عن زيته عكر

مش كل من صف الصواني صار حلواني

معك قرش بتسوى قرش

المكتوب مبين من عنوانه

من الدلفه لتحت المزراب

ناس بتاكل جاج و ناس توقع بالسياج

ياما بالحبس مظاليم ( اي والله )

قبل ما تفصل قيس

اللي ما بييجي معك تعال معه

اللي تغلب به العب به

امشي عدل توصل بدري

زلة القدم ولا زلة اللسان

عقلي في راسي بعرف خلاصي

المستعجل ما بيسوق جمال

الشعير للبعير

الطول طول النخلة والعقل عقل سخلة :701:

احذر النساء قبل العشرين واتركهم بعد الأربعين

يوم الخميس فصل لحبيبك قميص

الزمن غدار ( والحكمه تقول ههههههه )

كول( يعني كل ) زيت وانطح الحيط

كول فول والحق القفول

كول العدس تفوت الفرس

كول أول العنب وآخر التين

يوم عسل ويوم بصل

الرايب للحبايب، والزبدة للنسايب، والميص للمتاعيس

البشع بشع لو تغسل كل يوم، والحلو حلو لو فاق من النوم